Conoz el LLAR: los nuesos raigaños
LLAR, una iniciativa d’ARC (Academia de Cultura y Rexeneración), entamó como un proyeutu qu’axunta delles disciplines y formes de pensar. Esti programa ye la prueba de que’l cambiu importante rique l’esfuerzu y la collaboración de la xente. LLAR quier promover, cola implicación del so alumnáu, l’apreciu fondu pola bayura de la música, el baille y les tradiciones d’Asturies. Nel marcu d’ARC, LLAR contribúi a la rexeneración, el resurdimientu y la celebración
ARC tien por envís entamar un espaciu dinámicu pa l’allegría y la espresión cultural, al empar que rexenera’l terrenu dañao y reduz l’esperdiciu y la dependencia d’enerxía non renovable.
Entetexiendo cultura y mediu
ARC (Academia de Cultura y Rexeneración)
ye una agrupación de persones espertes n’educación, ciencia, estratexa empresarial, emprendimientu, arte y música qu’aporfia pola revalorización del mediu, el caltenimientu cultural y facer comuña. Anguaño tamos a la gueta d’un terrenu ampliu nel norte del estáu español pa poder rexenerar el sustratu y que sirva de base permanente pa eventos culturales.
El nuesu equipu
-
Rodrigo Joglar
Llicenciáu en Pedagoxía y Máster n’Intervención y Investigación Socioeducativa. Dedícase a organizar y coordinar proyeutos culturales que ponen a la xente en contautu colos sos raigaños.
-
Bree Delian
Profesional multidisciplinar con esperiencia en conservación, xestión de proyeutos, creación de conteníu, escritura, publicidá, propaganda comercial y asesoría de grupos. Fundadora d’ARC.
-
Anna-Wendy Stevenson
Vigulinera y compositora de renome. Profesora titular y coordinadora na Universidá de les Tierres Altes y les Islles, colo que recibió dellos premios.
-
Noemi Nemes
Máster n’Agricultura Orgánica. Esperta en restauración d’agua y práctiques rexeneradores del terrenu. Fundadora d’abondos proyeutos comunitarios de reforestación.
-
Simon Bradley
Responsable del programa de Máster en Música y Mediu (Universidá de les Tierres Altes y les Islles). Músicu, compositor, fundador d’Albastur Cultural Exchange y miembru destacáu d’Advance HE.
-
Alberto Ablanedo
Profesor d’Educación Secundaria y músicu relevante de la nomada “Generación Folk”. Comparte la so pasión pola música nel so blogue, podcasts y programes de radio.
-
Lide Rodríguez
Doctoráu en Química, esperta en desarrollu teunolóxicu y prueba de conceutu. Emprendedora hábil n’estratexa sostenible y soluciones naturales.
-
Alberto Sánchez
Premiáu fotógrafu y artista multimedia. Finalista nos gallardones Bowness, Olive Cotton y Doug Moran de retratos.
-
Aymara González
Máster en Xéneru y Diversidá. Traductora y romanista especializada en llingües minorizaes. Dedícase a la enseñanza del asturianu.
-
Pablo Fernández
Graduáu en Musicoloxía y Máster en Patrimoniu Musical, col TFM “La guitarra nel folk asturianu”. Formáu en guitarra nel conservatoriu profesional, emplega les sesiones pa afondar nel estilu. Tien escrito dellos artículos de prensa musical n’asturianu.
-
Ruma Barbero
Reconocíu dibuxante asturianu, cofundador de Felpeyu y de Cactus Comics. Ganador del premiu Alfonso Iglesias, famosu tamién como diseñador de portaes y lletrista.
-
Leti González
PhD en Arte, música y co-creadora del post-folk-asturianu; ye una de les fuerces creatives del dúu L-R. El so trabayu recueye una combinación ente’l conocimientu académico y les practiques artístiques.
Oxetivos culturales d’ARC
-
Llar 2024
Esperiencia única qu’ufierta clases maxistrales d’artistes y profesoráu con reconocimientu internacional, una oportunidá incomparable cola qu’afondar na cultura y nes tradiciones d’Asturies. L’alumnáu va aplicar conocimientos avanzaos de la mano de lo meyor del ámbitu. El programa, que tien por envís fomentar l’apreciu sinceru polos costumes y valores asturianos, ta diseñáu pa conectar a toles xeneraciones coles espresiones artístiques del país.
-
Academia Cultural Online ARC
Proyeutu en construcción col que queremos salvar les distancies a nivel global gracies al deprendimientu dixital, un puntu de referencia onde l’estudiantáu internacional va topar cursos esclusivos dirixíos por xente esperto. Esta plataforma va permitir que l'alumnáu coneute y afonde, al marxe del llugar nel que tea, cola bayura cultural d’Asturies. Asina trespasamos les llendes y facilitamos l’accesu a la cultura asturiana en tol mundu.
-
Rutes culturales
Les nueses rutes ofrecen una esperiencia integradora auténtica acordies colos principios del turismu lentu y sostenible. Estos percorríos tán pensaos pa xente que quier coneutar daveres cola esencia de la cultura, la tradición y l’estilu de vida d’un país. Guiaos por persones espertes nel so ámbitu, afondamos na gastronomía, la música, la hestoria y la arquiteutura del llugar, tamíen cola posibilidá de facelo en familia. Asegurámonos de que les nueses rutes responden a un modelu responsable y qu’afeutan en positivo la economía y l’entornu.
-
Festival ARC
Esti oxetivu a llargu plazu quier ser el nuesu eventu de referencia, una vegada consigamos un terrenu onde entamar el procesu de rexeneración. El festival va servir como una plataforma dinámica onde amosar y caltener la tradición del país. Tien por envís ser un llugar d’alcuentru onde reforzar los llazos de comunidá y contribuir dafechu a mantener la herencia natural y cultural. Esta xuntanza añal va rescamplar les tradiciones y espresiones artístiques d’Asturies, al empar que favorez el conocimientu y l’apreciu fondu por modelos de vida que rexeneren y guarden el mediu.
ARC Regen
Oxetivos
-
N’ARC Regen tenemos el compromisu d’abonar la conciencia ecolóxica nes xeneraciones más nueves. Los nuesos programes tán pensaos pa educar y fomentar la xestión responsable del mediu na mocedá y na reciella. Buscamos, con esperiencies práctiques y interactives, poner los pegoyos pa poder entender la ecoloxía como el respetu pola naturaleza ente la xente menudo. Asina, preparámosla pa tar informada y pa responsabilizase del futuru del planeta.
-
N’ARC Regen queremos promover una serie d’esperiencies educatives tol añu. Ufiertamos, ente otres actividaes, cursos especializaos, retiros refrescantes, rutes y eventos. Cada ocasión ta pensada p’afondar nel conocimientu y na conexón col mediu y cola nuesa herencia cultural. Estes esperiencies tán planificaes pa integrar intereses variaos nuna comunidá comprometida col deprendimientu, el crecimientu y los principios de rexeneración.
-
Un centru pa la demostración, la educación y la organización comunitaria: nesti espaciu vamos amosar anovaciones ecolóxiques, programes educativos y iniciatives grupales. Ye un llugar pal deprendimientu colectivu, l’intercambéu d’idees y la participación activa col envís d’influyir nun futuru rexenerador y interconeutáu. El centru va poner les ferramientes y el conocimientu necesariu p’aplicar práctiques rexeneratives y favorecer la resiliencia y l’harmonía col mediu.
-
ARC Regen céntrase en fomentar el diseñu y l’aplicación de sistemes de rexeneración específicos pa cada comunidá. La nuesa iniciativa quier sofitar l’anovación llocal y les práctiques sostenibles pa promover la resiliencia comunitaria y la xestión del mediu. Queremos que los grupos, al aplicar sistemes de rexeneración llocales, se faigan más fuertes y sostenibles y seyan pa enfrentar los retos ecolóxicos futuros con garantía.
-
ARC Regen quier fomentar una rellación rexeneradora ente l’actividá humana y el nuesu ecosistema. Pa rescamplar la importancia de coordinar los proyectos col ritmu natural, centrámonos n’educar y comprometer a les comunidaes pa coles práutiques rexeneratixes. Tenemos por envís facer d’esti un mundu onde la conciencia ecolóxica y les aiciones responsables seyan parte del día a día, pa garantizar que vivimos de manera sostenible. Esti compromisu ye lo que motiva que toles nueses iniciatives respeten y ayuden a caltener l’equilibriu ecolóxicu del planeta.
