Vienres

El grupu Felpeyu lleva más de 30 años llevando la música asturiana per tol mundu, lo que lu convierte n’ún de los platos fuertes de cualesquier festival. A lo llargo de los sos seis trabayos discográficos, dexen una buelga profunda na escena musical rexonal y mundial, conquistando al públicu de los principales festivales d’Europa, Canadá y Australia, como’l Festival Intercélticu de Lorient, la Ressegna Internazionale di la Zampogna de Scapoli, el Festival Celta Internacional de Montreal, el Celtic Connection de Glasgow y el Womadelaide de Australia.

Llunes

Multiinstrumentista y compositor, toca la flauta, low whistle, bodhrán y uilleann pipes. D’ascendencia irlandesa, ñació nel Reinu Xuníu y ta consideráu ún de los flautistes más destacaos nel mundu de la música irlandesa. McGoldrick foi componente de Flook, grabó nos dos primeros discos de Lúnasa y entró a formar parte de Capercaillie en 1997. Tamién tocó con Afro-Celt Sound System y Kate Rusby, y agora llidera The Michael McGoldrick Band.

Domingu

Jean-Michel ye ún de los flautistes tradicionales más conocíos a nivel mundial. La so interpretación mestura les sos influencies bretones y gaéliques con estilos de flauta oriental. Foi parte de grupos tan fundamentales como Kornog y Barzaz, participando n'otros proyectos con xente como Alain Genty, Jacques Pellen o Celtic Procession. Coles enseñances de Veillon apareció una nueva xeneración de flautistes renovadores del patrimoniu musical de Bretaña.

Vienres

Anxo ye un gaiteru con una carrera notable, a lo llargo la cual tien actuao y grabao con artistes internacionales de la talla de Kathryn Tickell y Carlos Núñez, asina como con grupos de la talla de Lúnasa, Michael McGoldrick, The Chieftains y Celtas Cortos. El so talentu llevólu a participar en prestixosos festivales como Celtic Connections, WOMAD y Ortigueira. Arriendes de la música tradicional, Anxo trabayó con artistes de diversos xéneros, incluida Marta Sánchez pal tema principal de la Vuelta a España 2016, Mónica Molina y Ska-P.

Sábadu

Con una trayectoria de más de dos décadas, María y Pau son reconocidos bailarines y profesores de baile de música tradicional asturiana. Su pasión por el folclore los ha llevado a participar en prestigiosos festivales internacionales, incluyendo el Intercéltico de Lorient y eventos en Bovel, Toulousse, Glasgow y Girona. Ganadores en cinco ocasiones del Concurso y Muestra de Folclore Ciudad de Oviedo, su experiencia y dedicación los han convertido en referentes del género. Con talleres que fusionan la riqueza de la tradición asturiana con toques de modernidad, María y Pau ofrecen una experiencia única y enriquecedora para todos los amantes del baile y la cultura asturiana.

Sábadu

Reconocíu cantante, baillador, coreógrafu, presentador de televisión, mayestru de la escuela de música ETRAD y coordinador de la sección vocal de la orquesta folk SonDeSeu. Xisco lleva más de trenta años dedicáu a la recuperación y documentación de les tradiciones gallegues y collaboró en más de venti discos y espectáculos con artistes de sonadía internacional, como Mercedes Peón, Xosé Manuel Budiño, Carlos Núñez, Kepa Junquera, Berrogüetto o Rodrigo Romaní.

Domingu

La actuación de dos grandes de la música irlandesa, Josephine Marsh y Liz Doherty, sedrá ún de los platos fuertes del festival. Liz Doherty, conocía pol so peculiar estilu de vigulín influenciáu poles tradiciones escocesas y de Cape Breton, tien actuaó con artistes de la talla de Riverdance y les orquestes de la RTÉ, y ye célebre pol so repertoriu como solista. Josephine Marsh, una consumada intérprete de acordeón, vigulín y whistle, ye conocía poles sos evocadores composiciones orixinales, que-y valieron el premiu TG4 a la Compositora del Añu n’Irlanda. Va unise a elles, nesta ocasión, Alberto Ablanedo al bouzouki.

Sábadu

Xosé "Ambás" y Ramsés Ilesies aporten al festival una mezcolanza única de música y cultura. Xosé Antón Fernández "Ambás", figura clave de la música asturiana dende fae más de treinta años, formó parte de grupos folk imprescindibles como N'Arba y Tuenda. Tamién conocíu por crear "Camín de Cantares", una serie etnomusicológica na televisión pública asturiana. Ramsés Ilesies, llicenciáu n’Historia pola Universidá d'Uviéu, lleva 20 años dedicáu a documentar les tradiciones orales asturianes. Xunto con Ambás, creó’l Archivu de la Tradición Oral d’Ambás (ATOAM) y contribuyó a revitalizar esti patrimoniu al traviés de series documentales como Canta l'Uxu y Camín de Cantares.

Llunes

Finn Moore y Anna-Wendy Stevenson ofrecerán un espectáculu qu’amuesa lo meyor de la tradición musical escocesa. Finn Moore, mayestru gaiteru destacáu pol so conocimientu de les gaites Highland, Border y Scottish Small Pipes,fabricó más de mil gaites xunto col so pa, Hamish. Actúa davezu col grupu de danza de les Highlands “Dannsa” y el cuartetu de gaites “Seudan”. Anna-Wendy Stevenson, famosa violinista y compositora, ye conocía poles sos dinámiques actuaciones con dellos grupos escoceses y pol so papel en "An Tinne", un proyeutu cultural que conecta Escocia y Australia. Les sos importantes contribuciones a la educación musicalvalieron-y dellos premios na Universidá de les Highlands y Islles. Va acompañalos Gonzalo Llao al bouzouki.

Sábadu

Santi ye Llicenciáu en Musicoloxía, y un destacáu profesor de baille tradicional. Foi fundador d’El Corveru, de Ribeseya y del Grupu Etnográficu L'Oriente, de Llanes del que ye director. La so esperiencia va de la coreografía a la docencia. Participó nel “Encuentro con los Maestros” y nuna investigación para la Secretaría de Cultura de México en 2021.

Domingu

Como miembros del supergrupu asturianu Llan de Cubel, Simon Bradley, Borja Baragaño y Julio Rodríguez tan a la vanguardia del xorrecer cultural de la música tradicional asturiana. La so collaboración como tríu ufre una oportunidá escepcional d’esperimentar a estos virtuosos nuna actuación más personal y íntima qu’amuesa’l so virtuosismu individual y la so química collectiva. Xuntando la potencia de la gaita asturiana colos matices qu’aporten el vigulín y la xiblata, y la contundente base rítmico-armónica del bouzouki,permiten conocer de cerca les sutileces y la profundidá de la música asturiana.

Sábadu

Cris foi pionera nes sos propies téunices d’enseñu, emponderando’l significáu hestóricu del instrumentu y la so complexidá, n’especial na so conexón cola herencia cultural de les muyeres. Dedicada a caltener y documentar esta forma musical, grabando repertorios vocales de zones como Valladolid y Segovia, Cris fexo una bultable contribución nesti campu.

Llunes

José Manuel Tejedor ye ún de los gaiteros más reconocíos y con más proyección d'Asturies. Con cuatro álbumes a los sos llombos, y siendo ganador trés vegaes del troféu Macallan (agora MacCrimmon), collaboró con músicos de sonadía internacional como Phil Cunningahm, Michael McGoldrick, Duncan Chisholm, etc. Cunta con una llarga esperiencia na enseñanza de la gaita asturiana, tocando tamién whistles nos sos distintos proyectos.

Nel formatu triu ta acompañáu por Richard García (teclaos) y Dani Álvarez (bouzouki y flauta).

Sábadu

Marie Le Goff y Alexandre Romieux van xuntar los sos talentos nun espectáculu cautivador de baille y cantu tradicionales bretones. Con más de 25 años d’esperiencia, Marie dirixe’l prestixosu Cercle Celtique du Croisty "Danserien ar Vro Pourlet", y actuó en importantes escenarios dende Francia a Singapur. Tamién eyes una valorada profesora de baille, apasionada por compartir la danza bretona con alumnáu de tolos niveles. Alexandre, natural de Lorient y espertu intérprete de bailley cantu bretón, actuó en bayura de festivales de Bretaña. Xuntos, Marie y Alexandre ufierten un espectáculu enérxicu y atractivu que reflexa l’animáu espíritu de la música de Bretaña.

Vienres

El nuevu duu de Gonzalo Llao y Julio Rodríguez supón un pasu más na evolución de la música folk asturiana, que cautivará al públicu colos sos arreglos de bouzouki y el so soníu innovador. Esti duu combina les complexidaes rítmiques y les testures en capes de la música tradicional con composiciones orixinales de Gonzalo, aportando una nueva perspectiva a los arreglos vocales. Les sos actuaciones son una combinación dinámica de lo familiar y lo nuevo, y prometen una esperiencia cautivadora pa tolos que les sientan. Col so talentu y creatividá combinaos, Gonzalo y Julio ufierten un nuevu y emocionante espectáculu que nun te puedes perder.

¿Prestaríate compartir dormitoriu con otros amantes de la música folk? Disponemos d’habitaciones con lliteres por sólo 15€/nueche.

¿Ties la to propia casa con ruedes o vas traer la tienda de campaña? Pola de Somiedu tien dellos sitios habilitaos a pocos pasos del festival.

¿Quiés tener el to propiu espaciu nel pueblu? Tenemos reservaos los meyoreo hoteles y pensiones en Pola de Somiedu pa los nuestros escolinos.

Si nun t’importa compartir habitación con otra persona pero nun quies la opción más económica ofrecemos la posibilidá de compartir habitación d’hotel pa dos persones (mesmu sexu).