Formáu por trés músicos con trayectoria abondo en prestixoses bandes como Corquiéu, Felpeyu y N'arba, Llau reimagina la música tradicional, creando un repertoriu qu'ufierta una visión refrescante de les melodíes tradicionales, infundiéndo-yos la enerxía bonal d'una jam session.

La so hestoria empezó una nueche inolvidable nel chigre L'Esperteyu, faciendo la so primer apaición pública mientres un eventu del Día de San Patriciu. Con Dani Álvarez a la xiblata, la gaita y la percusión, Lisardo Prieto al vigulín y Luis Nicolás a la guitarra acústica, el grupu atopó una sinerxia inmediata que foi más allá de la mera cooperación musical. De magar, Llau esllumó al públicu de toa Asturies con actuaciones qu'entemecen hábilmente el respetu pola tradición musical con una interpretación distintiva de la música del Arcu Atlánticu.

Temes: La Flor del romeru / Xirandiya de Torner (del cancioneru d'Eduardo Martínez Torner, célebremente versionáu por Llan de Cubel) / Xirandiya del Fresnu, compuesta por Ígor Medio.